OD LAT NASZ KARB POPADAŁ W RUINĘ,PAMIETAM CZASY JAK MIESZKAŁAM JESZCZE W KARBIU A BYŁO TO PONAD 35 LAT TEMU TO NASZ FAMILOK SIE JUZ ZACZĄŁ ROZPADAĆ,I PROSZE CZY OD TEGO CZASU REMONTOWANO JAKIEŚ DOMY,STRONA OD KOŚCIOŁA JESZCZE ALE NASZA DRUGO POŁOWA SIE POPROSTU WALIŁA.PIERWSZE DO ROZBIÓRKI POSZŁY CHYBA NASZE FAMILOKI NA MIECHOWICKIEJ BO STAWIALI TAM ESTAKADA,A TERAZ TO CO SIE DZIEJE NA FINDERA TO SIE W GŁOWIE NIE MIEŚCI,JAK WYGLĄDAŁY BY TE DOMY GDYBY OD POCZĄTKU O NIE DBANO I REMONTOWANO.ALE KOPALNIE INO FEDROWAĆ A WŁADZE MIASTA JAK ZWYKLE NIE MAJĄ NA NIC PIENIĘDZY.PLAKAĆ SIE CHCE JAK SIE TO WIDZI I PYTANIE CO DALEJ Z MIESZKANCAMI KARBIA BĘDZIE,OBY CAŁY BYTOM NIE ZNALAZŁ SIE PEWNEGO DNIA POD ZIEMIĄ.

Ludkowie mili, ize karb sie wali, to nic nowego.
Jak zech mieszkol na Kleinfeldzie to nom sie te domy penkali, nojpjyrw robieli plomby, potem ankrowali te domy. A to bylo w 1970 latach. Ziemia pod calom okolicom Bytomia jes podziurawiono jak szwajcarski ser.
Na Kop. robieli podsadzka z pioskiem, robiolech na szybie Witczak wtory byl ino do tyj podsadzki plynnej z pioskiem przeznacony.
Jak widac wiela njy pomoglo, caly Bytom i okolica je zagrozona tym zapadnienciem.
Trza nowe domy stawiac odporne na te tompniencia, jak w Japonii.
Ten problem jest tys znany w Ruhrgebiet, tam tys sie ziemia zapado.
Ludkowie njy patrzcia nazod ino do przodu, co z tym fantem zrobic.
Pyrsk i Glück Auf.

Jo niy wiym na co rząd polski wydowo pieniądze, bo miyszkom w Niymcach, ale jo myśla te ludzie kere jeszcze zostali w Starym-Karbiu (niy na Worpiu) na pewno tyż chcieliby mieć już nareszcie ciepło woda, kaloryfery, łazienka i haziel w miyszkaniu, a niy na siyni. Myśla że na to tyż zasłużyli. A fto bołby taki gupi i za rube pieniądze wyremonowołby te stare rudery na nowe wyposarzenie? Staro baba możesz tyż tysiąc razy na nowo malować i nie zmłodnieje. A fto by jeszcze chcioł w tych starych chałupach miyszkać? Wom w Niymcach jest dobrze „sr—smolić” bo wy niy musicie kożdy dziyń po wongle do pywnicy lotać, w żeleźnioku łogyń robić, mocie przeca kafelki, duperelki, kraniki, dywaniki, ciepło woda i zimo z osobna, a w tych niykerych starych domach w Karbiu to do haźla trza boło na plac lotać, a jak w zima haziel zmarznoł to „piątka w zymby” i do Bytomia na rynek, tam boł haziel publiczny. Niy ludkowie, lepiej to wszystko wywalić, zagrzebać a w innym miescu nowoczesne fajne domy zbudować żeby tym ludziom z Karbia tyż dobrze szło, niy ino nom. Życza im tego.

A weź sie Gregor ino liczydło i sziber i policz wiela by to kosztowało np. ino tako Krańcowo odremontować. Trzeba by nowo kanalizacja wody i ścieków przez cały Karb pociągnąć, nowe kable elektryczne, telekomunikacyjne (światłowody), wybudować kotłownia i pociągnąć ruły do kaloryferów. We wszyskich miyszkaniach nowe łazienki, a kaj, jak niy ma tam placu, nowe ocieplone fasady, a te stare cegły to niy boły pustaki ino zimne Brandziegelsteine, dach, ulice, chodniki itd. a fto by chcioł tam jeszcze w tych starych domach miyszkać, cygany?
Pierona, to by tyla kosztowało że za te pieniądze wybudujom cztyry takie Krańcowe kajś na istniejącym już osiedlu. Myśla że nawet dobrze że ul.Posztowo sie zawaloła, tak przynajmniej słabo usytuowane rodziny dostanom nowe, nowoczesne fajne i ciepłe miyszania. Niych sie ludzie z Pocztowyj tyż lepiej majom.

Ludkowie mili, przestojncie plakac za tym starym Karbem. My mieszkali w starym domu ze szlobami(karaluchy), haziel w placu, bez zima to ze swieckom do hazla coby spik njy zamarznol, a Trybuna do cytanio i sie zadek wytrzyc. Njy ma za cym tensknic, Bydzie nowy Karb, ale to kosztuje casu i piniendzy.
Pytanie: cy my stare Karbiorze tys mozemy sie przycynic aby Karb byl pjykniejszy???? Moze pomozemy????

Gucho wszyndzie, cicho wszyndzie, zodyn njy pise, zodyn njy godo. Cosik ludziska sie bojom pisac. Wspomnijcie swoje "pjykne"ic njy slychac casy na Karbie, o kadzidle na smietnisku, o kazlowaniu na Grundmanie bez zima. Abo jak my sie prali na houdach z tymi z Miechowic. Jes co wspominac, ino trza gymba otworzic, abo wystukac na komputerze. Jokos nic njy slychac. Pyrsk Ludkowie podo Wom stary chahor z Karbu.

Jak już żodyn tukej niy chce szkryflać to jo zaczna z pytaniym:
Kedy zmiyniyli w Karbiu strom ze 110V na 220V ?.
Wiym ino zech już wtedy telewizory naprawioł, to musiało być po roku 1966 ? Pamiyntôm że Gregor za bajtla czynsto do mie przychodzioł sie przyglondać jak jo w dôma bastluja. Mieli my wtedy take „Stabilizatory” (Trafo) żeby TV łoglondać, a czynsto bôło w Karbiu tzw „halbe spannung”, napięcie spadało do 60V. Kiedyś ojcowie Gregora niy byli w dôma a łon chcioł łobejżeć „bajka na dobranoc” a prawie bôło „halbe spanunng”, a tak jak sie łodemnie nauczôł logicznie myśleć, to wrzôn Gizd dwa Stalibizatory w raji żeby uzyskać 220V. Patrzoł z uciechôm tak długo aż naroz włônczyli zaś połny sztrom, a w telewizorze ino „bzzzzzt” zrobiôło i łokropnie zaśmierdziało. No to na drugi dziyń musiołech telewizor u nich naprawiać. Taki zgobnik już wtedy za bajtla boł, tyn nasz Gregor.

Hans, njy pamietom, od 53 roku jo juz mieszkou na Kleinfeldzie. Ale te casy z 110V to jesce pomientom, Matka sztrikowala a na wiecur bolo jesce halbe spannung, a boroka njy widziala bo bolo cma. A tako akuratno bola. Ale Gregor sie jesce njy odezwou, na Twuj Karb.

Hej Karbiorze, kaj wyscie som.
Mienia ize wos njy zatkalo, przeca umiecie godac a rachuja ize pisac tys. Wspomnijcie casy mlodosci na Karbie, przygody na Grundmanie, abo kompanie na Brandce, Cygielni. Jest co wspominac, to ino pisac, podwiel my zyjemy. Wto pamiento jak kole Sikora na glajzach pjyrwsze Umsidlery z Polski przyjechali, same gorole ze Lwowa, z kozami. To byla uciecha do nos, jes o cym pisac.
Pyrsk

Pytanie do Karbiorzy.
Wto zno, abo pamiento, ize my mieli zrudelko (Quelle) za Grundmanen. Wychodziolo ze holdy, woda bola cysto, bo nawet sie tam trzymali Molchy (plaz ogoniasty,salamandra, trzaska).
Lod znajomego wjym ize do teraska tam woda leci. Jest z tym tys jakos legenda zwionzano.
Wto moze cosik wjyncyj pedziec na tyn temat.
Byda wom wdziencny jak mi cos powiecie lo tym. ;)

Jesce jedna prosba mom do karbiorzy.
Wto mo jakis obrozek naszego Bahnhofu (Dworzec) i tyn zbulony Most po wojnie.
Bylbych Wom wdziencny jak by mi wtos to poslol.
Pyrsk Karbiorze. Jakos Wos malo ;) ;) ;)